PIANO DI SORRENTO: QUESTA SERA, ALLE ORE VENTI A MARINA DI CASSANO MOMENTI DI CULTURA POPOLARE

PIANO DI SORRENTO: QUESTA SERA, ALLE ORE VENTI A MARINA DI CASSANO MOMENTI DI CULTURA POPOLARE

PIANO DI SORRENTO: QUESTA SERA, ALLE ORE VENTI A MARINA DI CASSANO MOMENTI DI CULTURA POPOLARE

condividi in facebook

“Storia e Storie di Marina di Cassano”, “Memoria difensiva di Mariano Stinga accusato di veneficio del Bey di Tunisi, il nuovo libro di Antonino De Angelis che verrà presentato stasera a Marina di Cassano nella Cappella delle Grazie. Con l’autore  parteciperanno il prof Elio Angrilli, l’Avv Antonino Cuomo, il Gruppo Culturale di Ciro Ferrigno con la lettura di passi scelti dall’opera,le poesie in vernacolo di Rosario Di Nota,’O Vervece,Mare BBlu(inedita) e Sciamma,Core e Ffuculare(dedicata alla storia di mariano stinga).Allieteranno la serata il duo Lorenzo e Davide Marrone(violino e chitarra).

Di seguito le liriche composte e lette da Rosario Di Nota

 

“Mare Bblu” (Inedita)

Paese mio,appìso a ‘sta bannèra,
mo spanne chiara na luce tutta bblù,
‘ncap’a sta loggia,chi guarda ‘sta scugliera,
parla cu ‘o mare parlànnoce cu ‘o Ttu!

Spezzone ‘e stoffa pare fatto ‘e cielo,
ca mmiezo tene disignàto ll’onne,
‘nce pitta ‘o sole comme fosse tela,
purtànno luce nfino ncopp’ ê Cuonte.

Ddoje cose se ponno fa’ cu ‘sta bannèra:
o sbentuliàrla o pusàrla ncopp’ ô core,
ma chesta ggenta mia,sempe singera,
s’’a tene stretta,pecché sape ll’ammore!

Guardànnolla bbona nfino a ddinto,
t’abbaglia pure nu chiarore ârgiento,
ce truove spase rezze accussì llinde,
c’aspettano sulo na levatura ‘e viento.

“Vucàta” si vvenuta cu na lanzètella,
purtàta ‘a duje guagliune marenare,
cu mmaglie ‘e lana arrecamate ‘e stelle,
ca ce arricordano ‘e ggrazie a ccentenare.

Chello ssaglì lento p’’o pennone
ce ha miso na speranza dint’ ô core,
‘e sacrifizzie songo sempe bbuone,
e ffanno luce,comme fa luce ll’oro.

E cchi s’affaccia ncap’â Ripa ‘o Chiano,
cu ll’uocchie cerca chesta bannerèlla,
vede ll’urguoglio ‘e nu paese sano,
e ncielo appicciarse n’ata stella.

Medaglia luccecosa ,nu bbrillante!
fatta d’’ammore,fatica e ddignità,
passione ca ce fa guardà dannànte,
tenènno nu mutivo ‘e s’avàntà!

Bannèra ca mo pazzìe cu ‘o viento,
guarde Cassano senza lassarlo cchiù,
chièna ’e speranze, chiena ‘e sentimento,
‘o suonno nuosto pittato int’ ô bblu.

Nuje te vulimmo sempe comm’a ogge;
Vessillo a cchesta terra ‘e navegante,
c’hanno patùto lacreme e ccuraggio,
e ‘stu paese l’hanno fatto granne.

Mare che sfavella e vvence si’ ttu Piano,
terra d’ammore fatta p’’a puisia,
attuorno a tte,mo ce dammo ‘a mano,
e ll’urdema vista è pe Tte, Madonna mia!

“Sciamma, Core e fFuculare”

Ncopp’a ’sti sponne addó criscètte ninno,
ncopp’a ’sta rena addó chest’acqua fragna,
abbascio a ’sti Munazzene senza sole,
âcciaro se facetteno ’sti bbraccia,
purtanno tacche ’e Cerqua,
pronte âllummà
“Sciamma, Core e fFuculare”

-Feda e vvuluntà- cumannàmente antiche.
Mille paure affruntaje:
Mare ’mperruse e ssenza pace,
onne scure comm’a ppalazze ’e case,
notte ’e luna chiena, cante affatàte.
Ciento sirene me guardavano ’int’a ll’uocchie,
senza se fa’ sentì, cu ’a faccia janca.

Stella Pulara mia -’a Maronna d’ ’e Ggrazzie-
Ogni vvuto annascuso sta ’int’ô ssale.
Muzzo addeventaje ncopp’ô bbastimento,
scampanno d’ ’e periglie ’a vita!
Mman’ê Turche po’ cadètte,
na gargiubba stretta vestètte,
ma ’st’anema mia no, catena nu vvuleva!

L’Accurtezza me fuje cumpagna,
’a Malizia, sora,
’o Curaggio, frato.
Mpont’ê piède e ncopp’ô core
d’ ’o Princepe i’ trasètte,
zitto e ffedele.
Cunzigliero e ccumpagno lle fuje.

Cu mme parlavano ’e putiente,
rignante e nnobbele strignevo mmiez’ê mmane.
Ogni ssorta ’e ggenta, suggetta a mme tenèvo.

Ma na lengua tradetora e ssenz’ossa,
currènno, vulaje cu n’ombra ’e na buscia.
’O vveleno d’ ’a mmiria vullètte ’o sango,
chillu sango ca t’astregne ncanna,
chillo ca te fa ammancà ’o sciato,
ca te leva ’o suonno, chillo ca se piglia ’a pace.

Addeventàjeno pazze tuttequante,
’a frennesia d’ ’a morte s’arrubbaje ’a speranza,
niente e nnisciuno me putettero sarvà,
manco ’a Maronna sentètte chistu chianto,
zitta, ’int’â nicchia rummanètte ferma.

Cundannàto sulo e ssenza sciorta,
’a capa mia pusaje cu na sciabbulata secca.
E mentre ll’uocchie apierte guardavano ‘o cielo,
addeventajeno azzurre comm’’o mare.

“Mare ’e Cassano mio, mare ’e Cassano,
pìgliame tu e ppuórtame luntano,
puórtame cu ttico mmiez’ô mare e ppo’, cu ttico,
puósame nterra ê Mmunazzene,
famme turnà criaturo, puortàme pace.
Falla vulà chesta verità, bbusciarda nun era,
puórtala ncielo e ddilla a ttuttequante .

Mariano me chiammavo,
e quanno ‘a mano s’arapette,
‘na tacca ‘e Cerqua,me truvajeno stretta…

‘ O Revèce

Di fronte ‘a Lobbra, proprio mmiez’ô marena muntagnella ca chiammàno ‘o Revèce.Quanno ce passe, vucanno ‘na lampara,ncopp’â stu scuoglio, nce liègge tanti pprece.E cchesta prèta ,conta ‘a storia ‘e Massa,ch’è ffatta overamente ‘e grolia antica,dapprimma Greca ,po’ Rumana passa,Lubbrense doppo, e cu Surriento amica.Ce dice ‘o cunto, ca chisto scuoglio janco,‘nterra terato , p’ arreparà ‘a marina,cu mille cimme venètte ârravugliatoa tutte ‘e ffemmene, p’ô tenè avvevicino!E ttanto ca ô ttirà fuje pussente,ca ‘stu scuglio overo se muvètte,doppo però, ‘mpruvvisamente,‘e ccimme tutte assieme se rumpèttero.E accussì a Mmassa tutte‘e ffemmene,se truvajeno ‘o mazzo scamàzzato,chisto ‘o mutivo, -pe chi sape ‘ntennere-ca chisti mazze ,mò, songo schiànate !E po’ ce stà na storia cchiù ccuriosa,‘e dduje cumpagne ch’evano pitture.Luigi ‘o primmo, e dispettuso,a Carlucciello ce priparaje ‘na sola.Apprufittanno d’ê ‘ntrallazze ‘e corte,facette ‘ncarcerà ‘o cumpagniello,n’galera, chist’ommo senza sciorta,scuntàje n’anno ‘e scisto, ’o puveriello..!Ma dint’ê cancelle Carlo meditaje,facette vuto d’ô silenzio antico,quanno ascette, na “vennètta” priparaje,p’arricagnà a cchesta specie amico.Comme si fosse nun succieso niente,se ‘ncammenaje cu ppasso rrisuluto,se ne scennètte proprio llà a Surriento,pe se ncuntrà cu ‘o “favezo vestuto”.Facette bbona faccia a mmalo juoco;muzzecànnose ‘a lengua, e nun pparlà,‘stu ncruciamïento duraje nun poco,e ‘ncopp’â varca s’ô mmetaje a ppiscà.Carlucciello eva pruvetto marenaro,e ‘na Trupea vedètte avvecenà,cu na destrezza e ‘na cazzimma rara,na trezza ’e vierme , ce facette fà !-Puortame ‘nterra!- alluccava ô desgraziato- I’ te nne prego ,voglio ancora campà-E accustànno ‘a varca pe nu lato,‘ncopp’’o Revèce , ô lassaje a mmedità !Ce conta ‘a storia, ca proprio ‘o juorno appriesso,‘a gran rimorzo Carlucciello fuje pigliato,ma na surpresa int’ô mumento stesso,Luigi ncopp’ô scuoglio nun fuje truvato.Chistu pittore, ca pittaje Maronne,pe tutt’’a vita se purtaje stu piso,‘o rummore d’ô mare,’e lampe, ll’onne..vedeva ‘nchiusa ‘a porta ‘o paraviso..A Nucera steva pe pittà nu quatro,quanno sentètte ‘a stanchezza d’ô campà,chiammato nu monaco pe’ se piglià ‘o Viateco,nce cunfessaje ‘sta corpa, primma e s’avvià.Ma che mistero e quala maravegliaquanno ‘o monaco s’avvecenaje ‘o lietto,cu ‘a varva longa, ‘nu surriso ‘e ciglio,e nu Rusario int’ê mmane stritto.Era Luigi chillu monaco vestuto,ca ‘a morte eva scampato pe na graziancopp’â na varca Prucitana sagliuto,avènno sentuto ‘e chiante, l’allùcche, ‘o strazio! Zitte e ccurdiale guardannose cuntente,chiedenno ognuno e lloro scusa a n’ato,e quanno ‘o Sole luceva cchiù splennente,scarfaje chisti dduje core perdunate!Fuje accussì ca chisti cumpagniellese tenèttero abbracciate cu’ê surrise,‘a ll’anema spuntajeno ddoje scelle,e se nne sagliètte a parte ô Paraviso.Na storia antica ce conta stu Vervece,ch’è ffatta ‘e uommene, sale,e degnetàe quanno tu ce liegge chelli pprece,capisce ‘a vita che vvò significà.Mò è Santuario eterno pe nu vuto.Ccà ll’uommene ce venèno a prià,‘na statuella fà ‘a guardiana muta,pruteggenno ‘nfunno ‘o mare, stu campà.Chisto è nu vuto c’abbraccia a tuttequanteA terra Massa ‘nfino a Campanella,Chesta è ddevuzione ca nu passa,E’ storia nosta ,chesta Marunnella !

QUESTA LA SCALETTA DI  PRESENTAZIONE DEL LIBRO

-BENVENUTO DI MAURIZIO ERCOLANO ASS.NE AMAREMARE

-SALUTO SINDACO DI PIANO DOTT.IACCARINO

-SALUTO DEL PRIORE MICHELE GARGIULO

-1° INTERVENTO MUSICALE (1 BRANO)

-1° BLOCCO LETTURE A CURA DEL GRUPPO FERRIGNO

-RELAZIONE PROF. ELIO ANGRILLI

-2° INTERVENTO MUSICALE (2 BRANI)

-MAURIZO ERCOLANO PARLA DELL’INIZIATIVA PREVISTA IL 08/09/19 ALLO SCOGLIO DEL VERVECE.

-POESIE DI ROSARIO DI NOTA –

-RELAZIONE DELL’AVV. ANTONINO CUOMO

-3° INTERVENTO MUSICALE (2 BRANI)

-2° BLOCCO LETTURE A CURA DEL GRUPPO FERRIGNO

– PARLA L’AUTORE PROF. ANTONINO DE ANGELIS

-POESIA ROSARIO DI NOTA “SCIAMMA CORE E FFUCULARE”

-BRANO CONCLUSIVO MICHELEMMA’ –

leave a comment

Create Account



Log In Your Account



shares
Vai alla barra degli strumenti